«Атлетико» вингери Нико Гонсалес «Ювентус»га қайтиши мумкин.
Corriere dello Sport нашри берган маълумотларга кўра, Турин клуби аргентиналик футболчининг «матрасчилар» сафидаги ўйинларидан ҳайратда. Футболчининг қайтишига шахсан «Ювентус» бош мураббийи Лучано Спаллетти қизиқиш билдирмоқда. У Гонсалесни Франсишку Консейсау билан ротация қилиш учун жуда яхши вариант деб ҳисобламоқда.
Нико Гонсалес 2025 йилнинг сентябрь ойида «Ювентус»дан «Атлетико»га жорий мавсум якунига қадар ижара асосида ўтган эди. Мадридликларда футболчини сотиб олиш ҳуқуқи мавжуд. Жорий мавсумда вингер мадридликлар сафида барча мусобақаларда 27 та ўйинда майдонга тушиб, 3 та гол урди. Transfermarkt портали Гонсалеснинг трансфер қийматини 24 миллион еврога баҳоламоқда.
