«Атлетико» Чемпионлар лигаси 1/8 финалининг илк учрашувида «Тоттенхэм» устидан 5:2 ҳисобида ғалаба қозонди. Ўйин Мадриддаги «Ванда Метрополитано» стадионида бўлиб ўтди.
Мадрид жамоаси ҳимоячиси Маркос Льоренте 6-дақиқадаёқ ҳисобни очди. Кейинчалик Антуан Гризманн ва Хулиан Альварес ўз ҳисобларига гол ёздириб, фарқни йирик кўринишга келтиришди. Биринчи бўлимнинг ўрталарида мезбонлар ҳимоячиси Рубен Ле Норман тўртинчи тўпни киритди. Меҳмонлар битта жавоб тўпини қайтаришга муваффақ бўлишди — ҳимоячи Педро Порро ажралди.
Иккинчи бўлим бошида Альварес дубль қайд этиб, «матрасчилар»нинг тўрт тўплик устунлигини тиклади. Ўйин якунида «шпорлар» ҳужумчи Доминик Соланкенинг голи эвазига фарқни қисқартиришди.
Жавоб учрашуви бир ҳафтадан сўнг, 18 март куни Англияда бўлиб ўтади. Ўйин Тошкент вақти билан 19 мартга ўтар кечаси соат 01:00 да бошланади.
УЕФА Чемпионлар лигаси. 1/8 финал
11.03.2026 | 01:00
«Сивитас Метрополитано», Мадрид
«АТЛЕТИКО» (Испания) — «ТОТТЕНХЭМ» (Англия) — 5:2
Голлар: Льоренте 6 (1:0), Гризманн 14 (2:0), Альварес 15 (3:0), Ле Норман 22 (4:0), Порро 26 (4:1), Альварес 55 (5:1), Соланке 76 (5:2).
«Атлетико»: Облак, Ганцко, Ле Норман, Руджери, Пубиль, Кардозо, Льоренте (Барриос, 69), Лукман (Серлот, 69), Симеоне, Гризманн (Коке, 81), Альварес (Гонсалес, 73).
«Тоттенхэм»: Кински (Викарио, 17), Ромеро, ван де Вен, Дансо, Грэй, Сарр, Спенс (Симонс, 83), Порро, Тель (Галлахер, 46), Коло Муани (Соланке, 46), Ришарлисон (Пальинья, 68).
Огоҳлантиришлар: Спенс (4), Ришарлисон (60), Грэй (62), Дансо (80), Ромеро (85).
