«Atletiko» Chempionlar ligasi 1/8 finalining ilk uchrashuvida «Tottenxem» ustidan 5:2 hisobida g‘alaba qozondi. O‘yin Madriddagi «Vanda Metropolitano» stadionida bo‘lib o‘tdi.
Madrid jamoasi himoyachisi Markos Lyorente 6-daqiqadayoq hisobni ochdi. Keyinchalik Antuan Grizmann va Xulian Alvares o‘z hisoblariga gol yozdirib, farqni yirik ko‘rinishga keltirishdi. Birinchi bo‘limning o‘rtalarida mezbonlar himoyachisi Ruben Le Norman to‘rtinchi to‘pni kiritdi. Mehmonlar bitta javob to‘pini qaytarishga muvaffaq bo‘lishdi — himoyachi Pedro Porro ajraldi.
Ikkinchi bo‘lim boshida Alvares dubl qayd etib, «matraschilar»ning to‘rt to‘plik ustunligini tikladi. O‘yin yakunida «shporlar» hujumchi Dominik Solankening goli evaziga farqni qisqartirishdi.
Javob uchrashuvi bir haftadan so‘ng, 18 mart kuni Angliyada bo‘lib o‘tadi. O‘yin Toshkent vaqti bilan 19 martga o‘tar kechasi soat 01:00 da boshlanadi.
UYEFA Chempionlar ligasi. 1/8 final
11.03.2026 | 01:00
«Sivitas Metropolitano», Madrid
«ATLETIKO» (Ispaniya) — «TOTTENXEM» (Angliya) — 5:2
Gollar: Lyorente 6 (1:0), Grizmann 14 (2:0), Alvares 15 (3:0), Le Norman 22 (4:0), Porro 26 (4:1), Alvares 55 (5:1), Solanke 76 (5:2).
«Atletiko»: Oblak, Gansko, Le Norman, Rudjeri, Pubil, Kardozo, Lyorente (Barrios, 69), Lukman (Serlot, 69), Simeone, Grizmann (Koke, 81), Alvares (Gonsales, 73).
«Tottenxem»: Kinski (Vikario, 17), Romero, van de Ven, Danso, Grey, Sarr, Spens (Simons, 83), Porro, Tel (Gallaxer, 46), Kolo Muani (Solanke, 46), Risharlison (Palinya, 68).
Ogohlantirishlar: Spens (4), Risharlison (60), Grey (62), Danso (80), Romero (85).
