Диего Симеоне бошқаруви остидаги «Атлетико» жамоаси Чемпионлар лигасининг плей-офф босқичида ўз майдонида ҳали бирор марта ҳам мағлубиятга учрамаган.

Бугун мадридликлар 1/8 финалда «Тоттенхэм»ни тор-мор этишди (5:2). Бу клубнинг ушбу турнирнинг чиқиб кетиш тизимидаги ўйинларида қўлга киритган энг йирик ғалабаси бўлди.

Испания клуби Симеоне бош мураббийлик лавозимида ишлаган давр мобайнида плей-офф босқичида ўз майдонида 20 бор майдонга тушган. Ушбу ўйинларнинг 14 тасида ғалаба қозонилган бўлса, 6 тасида «Атлетико» дуранг ўйнаган.

«Тоттенхэм»га қарши жавоб учрашуви 18 март куни бўлиб ўтади.