"Реал" ярим ҳимоячиси Федерико Вальверде жамоадоши Тьяго Питарчнинг ҳаракатларини юқори баҳолади. 18 ёшли футболчи бугун Чемпионлар лигаси доирасидаги "Манчестер Сити"га қарши ўйинда мадридликларнинг асосий таркибида майдонга тушиши мумкин.
"Ёш футболчиларга ўзларини кўрсатиш учун имконият берилаётганидан жуда хурсандман. Болалар ақл бовар қилмас даражада кўп меҳнат қилишмоқда... Улар шу қадар кўп югуришадики! Машғулотларга қандай иштиёқ ва қувонч билан келишлари кишини ҳайратга солади. Тьяго яхши ўйнаяпти, лекин мен бошқа жиҳатга урғу бермоқчиман. Унинг майдондан ташқарида ҳам яхши инсон бўлиши муҳим. Бу бошқа ёш йигитларга ҳам тегишли", — дея Вальверденинг сўзларини келтиради football-espana.net.
