"Ливерпуль" ярим ҳимоячиси Алексис Макаллистер клубдаги фаолиятини якунлаб, бошқа жамоага ўтиш ниятида. Бу ҳақда fichajes.net портали хабар бермоқда.
Таъкидланишича, инглиз клуби ўз футболчисидан трансфер борасида сўров олган. Хабарларга кўра, ярим ҳимоячи ўз кучини бошқа чемпионатда синаб кўрмоқчи. Аввалроқ, аргентиналик футболчининг номи "ПСЖ" ва "Реал" клублари билан боғланган эди.
Мак Аллистернинг "Ливерпуль" билан амалдаги шартномаси 2028 йилнинг ёзига қадар мўлжалланган. Transfermarkt портали футболчини 80 миллион еврога баҳоламоқда. Жорий мавсумда ярим ҳимоячи АПЛ доирасида 28 та ўйинда майдонга тушиб, 2 та гол ва 2 та голли узатмани ўз ҳисобига ёздириб қўйди.
