«Арсенал» ҳимоячиси Риккардо Калафьори Чемпионлар лигаси доирасидаги «Байер»га қарши ўйин олдидан жамоанинг умумий гуруҳида машғулот ўтказди. Италиялик футболчи ушбу баҳсда майдонга туша олиши кутилмоқда.

Football London нашрининг хабар беришича, «Болонья»нинг собиқ футболчиси «канонирлар»нинг Германия сафари олдидан ўтказилган якуний машғулотида майдонда кўриниш берган.

Калафьори ўтган дам олиш кунларида Англия кубоги 5-раунди доирасидаги «Мэнсфилд Таун»га қарши ўйиннинг иккинчи бўлимида жароҳат олган эди.

ЕЧЛ 1/8 финалидан ўрин олган «Байер» ва «Арсенал» ўртасидаги учрашув бугун Тошкент вақти билан соат 22:45 да бошланади.