«Ювентус» клуби «Тоттенхэм» дарвозабони Гульельмо Викариони трансфер қилиш мақсадга мувофиқ эканлигига шубҳа қилмоқда.
Турин клуби жорий мавсум якунланганидан кейин ватанига қайтишни истаётган италиялик посбон учун асосий даъвогарлардан бири ҳисобланади. Журналистлар Фабрицио Романо ва Маттео Моретто берган маълумотларга кўра, «Ювентус»дагиларнинг ҳаммаси ҳам «шпорлар»нинг 29 ёшли футболчисини сотиб олиш ғоясини маъқулламаяпти. «Кекса синьора»нинг айрим вакиллари жамоага ишончлироқ дарвозабон керак деб ҳисоблашади.
Transfermarkt портали Гульельмо Викарионинг нархини 23 млн еврога баҳоламоқда. Англияга кетишдан олдин у «Эмполи» шарафини ҳимоя қилган.
