«Манчестер Сити» керакли натижага эришиш учун Мадриднинг «Реал» клубига қарши кечадиган 1/8 финал дастлабки учрашувида ўз ўйин услубига содиқ қолиши керак.

Бу ҳақда «шаҳарликлар» бош мураббийи Хосеп Гвардиола ўйин олдидан ўтказилган матбуот анжуманида таъкидлаб ўтди.

«Бир нарса аниқ: агар биз ўзлигимизни кўрсата олмасак, бундан яхши натижа чиқмайди», — дея испаниялик мутахассиснинг сўзларидан иқтибос келтиради УЕФА матбуот хизмати.

Аввалроқ, «Реал» мухлисларига Гвардиола шаънига айтиладиган машҳур ҳақоратли ҳайқириқларни ишлатиш тақиқлангани маълум бўлган эди. Бундан кўзланган мақсад — жавоб учрашувида жамоа меҳмонлар секторининг қўллаб-қувватлашисиз қолиб кетмаслигини таъминлашдир.