Каталониянинг «Барселона» клуби Чемпионлар лигаси 1/8 финали доирасида Англиянинг «Ньюкасл» жамоасига қарши кечган сафар ўйинида сўнгги сонияларда мағлубиятдан қутулиб қолишга муваффақ бўлди.
Ҳужумчи Дани Ольмо пенальти ишлади, унинг жамоадоши Ламин Ямал эса имкониятдан унумли фойдаланди. Ямалнинг дарвозабондан ўнг томонга йўллаган зарбасидан сўнг тўп 95:50 дақиқада тўрга бориб тушди. Маълум бўлишича, ушбу гол «Барселона»нинг Чемпионлар лигаси тарихидаги (барча босқичларни ҳисобга олганда) пенальтидан киритилган энг кеч голи бўлди.
Эслатиб ўтамиз, жавоб учрашуви бир ҳафтадан кейин Каталония пойтахтида бўлиб ўтади. «Барселона» Чемпионлар лигасида беш бор ғалаба қозонган, охирги марта бу муваффақиятга 2015 йилда мураббий Луис Энрике қўл остида эришилган эди.
