Kataloniyaning «Barselona» klubi Chempionlar ligasi 1/8 finali doirasida Angliyaning «Nyukasl» jamoasiga qarshi kechgan safar o‘yinida so‘nggi soniyalarda mag‘lubiyatdan qutulib qolishga muvaffaq bo‘ldi.
Hujumchi Dani Olmo penalti ishladi, uning jamoadoshi Lamin Yamal esa imkoniyatdan unumli foydalandi. Yamalning darvozabondan o‘ng tomonga yo‘llagan zarbasidan so‘ng to‘p 95:50 daqiqada to‘rga borib tushdi. Ma’lum bo‘lishicha, ushbu gol «Barselona»ning Chempionlar ligasi tarixidagi (barcha bosqichlarni hisobga olganda) penaltidan kiritilgan eng kech goli bo‘ldi.
Eslatib o‘tamiz, javob uchrashuvi bir haftadan keyin Kataloniya poytaxtida bo‘lib o‘tadi. «Barselona» Chempionlar ligasida besh bor g‘alaba qozongan, oxirgi marta bu muvaffaqiyatga 2015 yilda murabbiy Luis Enrike qo‘l ostida erishilgan edi.
