Нидерландиялик машҳур ярим ҳимоячи Уэсли Снейдер 41 ёшида майдонга қайтишга қарор қилди. У Нидерландия футболининг куч жиҳатидан тўққизинчи дивизионида иштирок этувчи OSM75 клуби сафида тўп сурди.
Таъкидлаш жоизки, ушбу жамоа раҳбарияти Снейдерлар оиласи билан анчадан бери яқин алоқада бўлиб келган. Бу гал Уэсли тахминан 20 дақиқа ҳаракат қилди ва бир нечта хавфли вазиятларни содир этишга улгурди.
«Нима учун йўқ? Мен ҳали ҳам ўзимда куч сезяпман, футбол эса ажойиб ўйинлигича қолмоқда. Имконият пайдо бўлиши билан розилик бердим», — дея у ўз қайтишига изоҳ берди.
Эслатиб ўтамиз, футболчи илгари Миланнинг «Интер» клуби шарафини ҳимоя қилган.
