Мадриднинг "Атлетико" ва "Тоттенхэм" жамоалари ўртасидаги баҳснинг энг яхши футболчиси Хулиан Альварес Чемпионлар Лигаси учрашуви якунларига изоҳ берди. Жамоалар мусобақанинг 1/8 финали илк ўйинида тўқнаш келишди ва унда Испания клуби инглизларни 5:2 ҳисобида мағлуб этди.
"Биз рақиб хатоларидан қандай қилиб максимал даражада фойдаланишни билардик. Яхши устунликка эришдик ва энди жавоб ўйинига 3 та тўп фарқи билан йўл оламиз", — дея Альвареснинг сўзларини келтиради УЕФА сайти.
Шунингдек, Альварес ўзи томонидан киритилган иккинчи голга тўхталиб ўтди.
"Аввалига Облакнинг ажойиб сейви, сўнгра Гризманннинг сеҳрли тегиниши. Ҳимоячи менга олдинга ҳаракат қилиш учун бўшлиқ қолдирди, шундан сўнг мен ҳужумни муваффақиятли якунладим".
