"Барселона" президенти Жоан Лапорта Лионель Мессининг клубдан кетгани ҳақида фикр билдирди. Аввалроқ "кўк-анорранглилар" собиқ бош мураббийи Хави аргентиналик футболчи 2023 йилда қайтишга тайёр бўлганини айтган эди: "Ҳамма нарса тайёр эди, у қайтишни истарди, бизда Ла Лиганинг рухсати бор эди. Аммо Лапорта ҳаммасини тўхтатиб қолди".
"Биз Месси бўйича нима қилишимиз кераклиги ҳақида гаплашиб бўлганмиз. Биз унинг ҳайкалини Кройфф ҳайкали ёнига ўрнатишимиз ва барча 105 000 томошабинни сиғдира оладиган "Камп Ноу"да катта хайрлашув маросимини ўтказишимиз керак. Менимча, тарихдаги энг яхши футболчи учун бу адолатли бўлади.
Биз 2021 йилда Месси билан шартномани узайтирмадик, чунки иш ҳақи фонди назоратдан чиқиб кетганди, улкан қарздорлик мавжуд бўлган вазиятда эса у янада ошиб кетарди. Бу шунчаки имконсиз эди.
Мақсадимиз шартномани узайтириш эди. Биз креатив ечимлар изладик, бироқ Тебас тарихдаги энг яхши футболчининг Испания лигасида қолишига қарши чиқди", — деди Лапорта SER Catalunya порталининг Qué t’hi jugues дастури эфирида.
