43 ёшли испаниялик мураббий Андони Ираола мавсум якунланганидан кейин фаолиятини бошқа клубда давом эттириши мумкин. Бу ҳақда iNews нашри ёзмоқда.
Манбалар берган маълумотга кўра, мутахассисга "Манчестер Юнайтед" ва "Тоттенхэм" клублари даъвогарлик қилмоқда. Ираоланинг "Борнмут" билан шартномаси жорий мавсум якунида ниҳоясига етади, шу сабабли испаниялик мураббий ёзда эркин агентга айланади.
Ираола 2023 йилдан бери "Борнмут"ни бошқариб келмоқда. Ушбу мавсумда клуб АПЛнинг 29 туридан сўнг 40 очко жамғариб, турнир жадвалида тўққизинчи ўринда бормоқда.













