Сўнгги кунларда Италиянинг "Комо" клуби бошқарувида ўзини яхши кўрсатаётган Сеск Фабрегас "Реал" Мадрид бош мураббийига айланиши мумкинлиги ҳақида маълумотлар пайдо бўлди. Шунга қарамай, The Touchline нашрининг хабар беришича, Мадрид клубининг асосий нишони бўлиб Юрген Клопп қолмоқда.
Қайд этилишича, "Реал" президенти Флорентино Перес жамоага муваффақиятлари аллақачон исботланган ғолиб-мураббийни олиб келишни истамоқда.
Шу билан бирга, манбанинг таъкидлашича, "Реал" фақатгина Альваро Арбелоа бирор-бир совринни қўлга кирита олмаган тақдирдагина янги мураббий тайинлайди.
Ҳозирда "Реал" Ла Лига турнир жадвалида иккинчи ўринда бормоқда.
