"Манчестер Юнайтед" жамоа таркибини кучайтириш бўйича режалар тузмоқда. Transfer News Live нашрининг Football Transfers порталига таяниб хабар беришича, "қизил иблислар" "Интер" аъзоси Федерико Димаркони ўзларининг устувор мақсади этиб белгилашган. Манкунианликлар чап қанот ҳимояси позициясини мустаҳкамлашни исташмоқда.
28 ёшли Димарконинг трансфери учун "Манчестер Юнайтед" 60 миллион еврогача маблағ таклиф қилишга тайёр.
Федерико Димарконинг "Интер" билан амалдаги шартномаси 2026/2027 йилги мавсум якунига қадар мўлжалланган. Жорий мавсумда футболчи 36 та расмий ўйинда майдонга тушиб, ўз ҳисобига 7 та гол ва 15 та голли узатмани ёздириб қўйишга муваффақ бўлди.













