"Наполи" клуби ўз етакчиларидан бирини сақлаб қолишни режалаштирмоқда ва ярим ҳимоячи Скотт Мактоминайга 2030 йилгача мўлжалланган шартнома таклиф қилмоқчи. Бу ҳақдаги миш-мишлар билан Il Mattino нашри бўлишди.
Манба берган маълумотларга кўра, шотландиялик хавбек айни дамда "адзуррилар"нинг энг кўп маош олувчи 5 нафар футболчиси қаторига кирмайди. Янги шартнома имзоланганидан кейин у ушбу кучли бешликдан жой олади.
Эслатиб ўтамиз, Мактоминай ўтган мавсум бошланишидан аввал "Наполи" сафига келиб қўшилган эди. У неаполликлар билан биргаликда Антонио Конте бошқаруви остида Италия чемпионига айланди.
