Игор Тудор бошқаруви остида "Тоттенхэм" барча тўртта ўйинда имкониятни бой берди, жумладан, сешанба куни Чемпионлар Лигаси доирасида "Атлетико"га қарши кечган баҳсда (2:5) мағлуб бўлди. Лондон клуби раҳбарияти юзага келган вазиятдан хавотирда, бироқ яқин кунлар ичида жамоа мураббийлар штабида ўзгариш бўлиши кутилмаяпти.
ESPN нашрининг хабар беришича, айнан Тудор "Тоттенхэм"ни Премьер-лига доирасидаги "Ливерпуль"га қарши кечадиган сафар ўйинига тайёрлайди. Жамоалар якшанба куни, 15 мартда ўзаро тўқнаш келишади.
Ҳозирда "Тоттенхэм" Англия чемпионати турнир жадвалида 16-ўринни эгаллаб турибди. "Шпорлар" хавфли ҳудудни атиги бир очкога ортда қолдирмоқда. Эслатиб ўтамиз, Игор Тудор февраль ойида — Томас Франк истеъфога чиқарилганидан кўп ўтмай Лондон жамоасини қабул қилиб олган эди.
