Англиянинг "Ноттингем Форест" клуби Европа Лигаси доирасидаги "Мидтьюллан"га қарши ўйин учун чипталар нархини махсус равишда пасайтирди. Бунга "Английский акцент" нашри эътибор қаратди. Шу тариқа клуб ўзининг "Сити Граунд" уй стадиони трибуналарини имкон қадар тўлдиришни режалаштирмоқда.
Тўғриси, жамоанинг расмий ижтимоий тармоқларида кўплаб мухлисларнинг кескин норозилиги юзага келди. Бунга сабаб — кўпчилик ишқибозларнинг ўйин учун чипталарни аллақачон "эски" нархларда сотиб олиб бўлганлигидир.
"Раҳбарият акция билан бироз кечикди", — дея қайд этади манба.
Эслатиб ўтамиз, Европа Лигасининг плей-офф босқичида "ўрмончилар" икки ўйин натижасига кўра Истанбулнинг "Фенербахче" жамоасини мусобақадан чиқариб юборишган эди.
