"ПСЖ" клуби сафида тўп сураётган эквадорлик ҳимоячи Вильян Пачо ўзининг ўйин рақамини танлашига нима сабаб бўлганини изоҳлади. Пачо жамоада 51-рақам остида ҳаракат қилади.
"Мен бу рақамни узоқ вақт давомида "Индепендьенте дель Валье"да, кейин эса "Антверпен"да тақиб юрдим ва унга қаттиқ боғланиб қолганман. Асосий сабаб эса онам билан боғлиқ: у 51 ёшида вафот этган. Бу рақамни тақиш — унга бўлган ҳурматимни ифодалаш усулидир. Бу менга ҳар бир ўйинда қўшимча куч бағишлайди", — дея Пачонинг сўзларидан иқтибос келтиради "ПСЖ" расмий сайти.
Жорий мавсумда Пачо клуб миқёсида 32 та ўйинда майдонга тушиб, 2 та гол урди ва 2 та огоҳлантириш (сариқ карточка) олди. Transfermarkt портали унинг қийматини 40 миллион еврога баҳоламоқда.
