Лондоннинг «Арсенал» клуби бош мураббийи Микель Артета Чемпионлар Лигаси 1/8 финали доирасида Леверкузеннинг «Байер» жамоасига қарши кечган ўйиндан (1:1) сўнг интервью берди.

«Канонирлар» 46-дақиқада гол ўтказиб юборишди ва 89-дақиқагача имкониятни бой бериб келишди. Айнан ўша дақиқада Кай Хаверц пенальтини аниқ амалга ошириб, мувозанатни тиклади.

«Биз ўйин тизгинини жуда яхши назорат қилдик, аммо гол ура олмадик, кейин эса устунликни қўлдан чиқардик. Рақибга умид бердик ва ўйин бутунлай бошқа томонга бурилиб кетди. Бироқ сўнгги 20 ёки 25 дақиқада биз яна яхшироқ ўйнай бошладик. Шу сабабли, гол уриб, мағлубиятдан қутулиб қолганимизни ҳаққоний натижа деб ҳисоблайман», – деди Артета УЕФАга берган интервьюсида.

Қарама-қаршилик тақдири 17 март куни «Эмирейтс» стадионида бўлиб ўтадиган жавоб ўйинида ҳал бўлади.