«Ньюкасл» бош мураббийи Эдди Хау марказий ҳимоячи Фабиан Шерни жамоада сақлаб қолмоқчи. Бу ҳақда Football Insider нашри хабар бермоқда.
Манбанинг берган маълумотларига кўра, клубнинг трансфер режалари аллақачон шакллантириб бўлинганига қарамай, Хау 34 ёшли швейцариялик футболчи билан шартномани узайтиришни талаб қилмоқда. Мутахассис Шернинг бошқа жамоага ўтиб кетишини истамаяпти.
Шер 2018 йилдан бери «Ньюкасл» шарафини ҳимоя қилиб келмоқда. Жорий мавсумда ҳимоячи барча мусобақаларда 21 та ўйинда иштирок этди ва битта гол муаллифига айланди.
Шернинг «қарғалар» билан амалдаги шартномаси шу йилнинг ёзида ўз ниҳоясига етади. Transfermarkt портали экспертлари футболчининг қийматини 6 миллион еврога баҳоламоқда.
