«Ливерпуль» дарвозабони Алиссон Бекер яқин келажакда клубни тарк этишни режалаштирмаяпти.

Миш-мишларга кўра, бразилиялик посбон келаётган ёзда муҳитни ўзгартириши мумкин эди, бироқ воқеаларнинг бундай ривожланиши эҳтимолдан йироқ. Инсайдер Фабрицио Романонинг хабар беришича, дарвозабоннинг яқинларидан унинг камида 2027 йилнинг ўрталарига қадар — айнан амалдаги шартнома муддати тугагунча «Ливерпуль»да қолиш нияти борлиги ҳақида хабарлар келиб тушган. Кейинги ҳамкорлик бўйича қарорни эса футболчи келаси мавсум якунига яқин қабул қилади.

Алиссон 2017 йилдан буён инглиз гранди шарафини ҳимоя қилиб келмоқда. Жорий мавсумда 33 ёшли кипер Арне Слот жамоаси сафида 37 та ўйин ўтказиб, ўз дарвозасидан жами 35 та тўп ўтказиб юборди.