Бразилия терма жамоаси бош мураббийи Карло Анчелоттининг ўғли, италиялик мутахассис Давиде Анчелотти испаниялик Хаби Алонсонинг Мадриднинг «Реал» клуби бош мураббийлигидан истеъфога чиқарилганига изоҳ берди.
«Мураббийлар тез-тез алмаштирилиб туради. Алонсо — ёш мутахассис, унинг олдида ҳали узоқ фаолият турибди. Менимча, «Реал»дан кетиш унга салбий таъсир қилмайди. Бу бизнинг касбимизнинг бир қисми. Буни тан олиш ва кўникиш керак», — дея Анчелоттининг сўзларини келтиради Managing Madrid.
Эслатиб ўтамиз, Алонсо «қироллик клуби» бош мураббийи лавозимини ноябрь ойи ўрталарида тарк этган эди.
Ҳозирги вақтда «қаймоқранглилар»га Альваро Арбелоа устозлик қилмоқда.
