Германиянинг «Фрайбург» клуби хавбеки Йохан Манзамби Англия Премьер-лигасининг топ-клублари орасида катта қизиқиш уйғотмоқда. Бу ҳақда Teamtalk журналистлари хабар бермоқда.
Манбага кўра, 20 ёшли швейцариялик футболчининг трансферига Лондоннинг «Арсенал» ва «Челси» клублари, шунингдек, «Манчестер Юнайтед» қизиқиш билдирмоқда. Германия томонига келсак, «Фрайбург» раҳбарияти футболчини 50 миллион евро эвазига сотишга тайёр. Унинг амалдаги меҳнат шартномаси 2030 йилгача мўлжалланган.
Жорий мавсумда Манзамби 31 та учрашувда иштирок этиб, ўз ҳисобига тўртта гол ва бешта голли узатмани ёздириб қўйишга муваффақ бўлди.
