«Манчестер Сити» ҳимоячиси Йошко Гвардиол фаолиятини Испанияда давом эттириши мумкин.

Журналист Рожер Тореллонинг маълумотларига кўра, анчадан бери «Барселона» хорватиялик футболчини кузатиб келмоқда. Каталония клуби ёзги трансфер ойнаси олдидан 24 ёшли футболчи билан шартнома имзолаш имкониятларини ўрганмоқда.

Йошко Гвардиол 2023 йилда «РБ Лейпциг»дан «Манчестер Сити»га 90 миллион евро эвазига ўтган эди. Унинг амалдаги шартномаси 2028 йилнинг 30 июнига қадар мўлжалланган. Жорий мавсумда ҳимоячи «шаҳарликлар» сафида барча турнирларда 23 та ўйинда майдонга тушиб, 2 та гол урди ва 5 та голли узатмани амалга оширди. Transfermarkt портали хорватнинг трансфер қийматини 70 миллион еврога баҳоламоқда. Ҳозирда Гвардиол болдир суягининг синиши жароҳатидан сўнг тикланиш жараёнини ўтамоқда.