Бразилия терма жамоаси бош мураббийи Карло Анчелотти 2026 йилги жаҳон чемпионатида аниқ иштирок этадиган 13 нафар футболчини танлаб олди. Ушбу ўйинчилар фақат жароҳат олган тақдирдагина «селесао»нинг турнир учун қайдномасидан четда қолишлари мумкин. Estadao нашри тақдим этган 13 кишилик рўйхат қуйидагича кўриниш олган:
Алиссон, Эдер Милитао, Данило, Маркиньос, Габриэль Магальянс, Алекс Сандро, Каземиро, Андрей Сантос, Бруно Гимараэс, Эстевао, Винисиус Жуниор, Матеус Кунья, Рафинья.
Шунингдек, Бразилия қайдномасига кириши деярли аниқ бўлган беш нафар футболчидан иборат рўйхат ҳам мавжуд. Бунга Уэсли, Лукас Пакета, Жоао Педро, Габриэль Мартинелли ва Ришарлисон киритилган.
Неймар ушбу рўйхатларда йўқ. Таъкидланишича, «Сантос» ҳужумчисининг жаҳон чемпионатига бориш имкониятлари унинг ўз клубининг охирги ўйинини ўтказиб юборганидан сўнг пасайган.
