Мадриднинг «Атлетико» клуби ҳужумчиси Хулиан Альварес келаётган ёзда «Барселона»га ўтиши амримаҳол.
Турли манбалар «кўк-анорранглилар»нинг аргентиналик футболчига бўлган қизиқиши ҳамон сақланиб қолаётгани ҳақида мунтазам хабар бераётган бўлса-да, бу трансфернинг амалга ошиш эҳтимоли жуда паст. EspanaNet нашрининг маълумотларига кўра, «матрасчилар» яқин келажакда ҳужумчини каталонияликларга сотишмайди, чунки охирги вақтларда клублар ўртасидаги муносабатлар ёмонлашган. Мадридликларнинг спорт директори лавозимини Матеу Алемани эгаллаб турибди. Эслатиб ўтамиз, «Барса» раҳбари Жоан Лапорта 2023 йилда Алеманининг ўрнига Декуни тайинлаган эди.
Transfermarkt портали Хулиан Альваресни 100 млн еврога баҳолаган. 26 ёшли футболчининг «Атлетико» билан амалдаги шартномаси 2030 йилга қадар мўлжалланган.













