Криштиану Роналду расман Бразилиянинг «Коритиба» клуби футболчисига айланди. Гап машҳур португалиялик ҳужумчининг адаши ҳақида кетмоқда. Эндиликда ушбу ўсмир Бразилия клубининг академиясида тўп суради. Бунга қадар ёш иқтидор соҳиби «Андрираенсе» жамоаси шарафини ҳимоя қилиб келаётган эди.
«Криштиану Роналду ўзининг футбол йўлида яна бир катта қадамни ташлади. Сафимизда шундай иқтидорлар етишиб чиқаётганидан фахрланамиз. Криштиану Роналду, сизга фаолиятингизнинг ушбу янги босқичида омад тилаймиз. Олдинда сизни катта зафарлар кутиб қолишига умид қиламиз», — дейилади Криштиану Роналду «Коритиба»га йўл олган собиқ клуби — «Андрираенсе»нинг расмий баёнотида.
