«Манчестер Юнайтед» клубининг собиқ футболчиси Уэйн Руни Бразилия терма жамоасининг афсонавий ҳужумчиси Ромарио билан учрашди. Улар «Ромарио ТВ» каналидаги подкаст давомида ўзаро суҳбат қуришди.
Суҳбат давомида инглиз ва бразилиялик собиқ юлдузлар бир-бирларига мақтовлар ёғдиришди. Ромарио Рунига ўзининг дастхати туширилган футболкасини совға қилди ва ташриф учун миннатдорчилик билдирди.
«Эътибор учун раҳмат! Ҳузуримизга яна бир буюк ўйинчи ташриф буюрди», — деб ёзди бразилиялик афсона ўз ижтимоий тармоқларида.
Эслатиб ўтамиз, Ромарио 1994 йилги Жаҳон чемпионати ғолиби ҳисобланади ва «Барселона» таркибида Испания чемпиони бўлган. Уэйн Рунининг клуб миқёсидаги энг олий ютуғи эса «Манчестер Юнайтед» билан қўлга киритилган Чемпионлар лигаси ғолиблигидир.
