«Барселона» раҳбари Жоан Лапорта клубнинг ҳозирги спорт директори Деку Матеу Алеманидан анча устун эканлигини таъкидлади.
Ҳозирда Мадриднинг «Атлетико» клубида фаолият юритаётган испаниялик мутахассис (Алемани) 2021 йилдан 2023 йилга қадар Каталония клубида ушбу лавозимни эгаллаган эди.
«Деку Алеманидан анча яхшироқ, чунки Алемани футболни тахминан мен билан бир хил даражада тушунади», — дея баёнот берди Лапорта. Унинг сўзларини «Esport3» нашри келтирмоқда.
Деку 2023 йилнинг ёзидан буён «Барса» спорт директори лавозимида ишлаб келмоқда. Аввалроқ, ўз вақтида «кўк-анорранглилар» сафида футболчи сифатида муваффақиятли тўп сурган португалиялик функционер, агар Лапорта президентлик сайловларида мағлуб бўлса, клубдан кетиши мумкинлиги ҳақида тўхталиб ўтган эди.
