Машҳур инсайдер Фабрицио Романо «Барселона» ёзги трансфер ойнасида қайси позицияни кучайтиришни режалаштираётгани ҳақида сўзлаб берди.
Манбанинг таъкидлашича, Каталония гранди раҳбарияти янги ҳужумчи билан шартнома имзолаш ниятида. «Кўк-анорранглилар» бўлажак мавсумлараро танаффусда Ханс-Дитер Флик жамоасини кучайтира оладиган форвардлар номзодини фаол ўрганмоқда.
Шу ёзда Роберт Левандовски «Барселона» сафини тарк этиши мумкин — унинг шартномаси июнь ойи охирида ниҳоясига етади. Испаниянинг амалдаги чемпионлари Хулиан Альварес, Харри Кейн, Душан Влахович ва бошқа кўплаб юлдуз ҳужумчиларга қизиқиш билдираётгани айтилмоқда.
