«Челси», «Реал» ва Бельгия терма жамоасининг собиқ ярим ҳимоячиси Эден Азар Лионель Месси ва Криштиану Роналду ўртасида танлов қилди.
«Мен доимо Мессини танлаганман, чунки у ифодалайдиган футбол — мен севадиган футболдир.
Мен «Реал»га мухлислик қилганим учун Криштианунинг номини айтишим мумкин эди, аммо Криштиану кўпроқ буюк тўпурар ва ақл бовар қилмайдиган атлетдир. Мессининг футболи эса менинг дидимни ифодалайди.
Унга қарши ўйнаётганда, маълум бир вазиятда шунчаки «вау» дейсан, холос. Биз шунчаки бахтлимиз, чунки айнан унинг даврида туғилдик ва унинг ўйинини деярли 20 йил давомида жонли кўришга муяссар бўлдик», — деди Азар.
