"Барселона" раҳбарияти агар ўтган ёзда Луис Диасни сотиб олишнинг уддасидан чиқилганида, жамоа дунёдаги энг кучли ҳужум чизиғига айланган бўлишига қаттиқ ишонмоқда. Бу ҳақда Sport нашри хабар берди.
Манбага кўра, колумбиялик футболчи клуб спорт директори Декунинг ҳужум чизиғи учун асосий варианти эди, бироқ клубдаги оғир молиявий ҳолат туфайли ушбу трансфер амалга ошмай қолган.
"Бавария" 29 ёшли колумбияликни "Ливерпуль"дан 70 миллион еврога сотиб олди. У жорий мавсумда 36 та ўйинда 20 та гол уриб, 17 та ассист муаллифи бўлди.
