"Реал" устози Альваро Арбелоа Тибо Куртуани клуб тарихидаги энг яхши голкипер деб ҳисоблашини айтди.
"Мен дунёнинг энг сара дарвозабонлари билан бирга ўйнаганман — улар тарихдаги энг кучлилардан ҳисобланарди. Аммо Куртуа қилаётган ишларни мен ҳеч кимда кўрмаганман. Бу борада ҳеч қандай баҳс бўлиши мумкин эмас — мен учун у шубҳасиз "Реал" тарихидаги энг яхши дарвозабон", — деди Арбелоа матбуот анжуманида.
Айни дамда "Реал" Испания чемпионати турнир жадвалида иккинчи ўринда бормоқда. Альваро Арбелоа жамоаси "Барселона"дан тўрт очкога ортда қолмоқда. Шанба куни, 14 март куни "қаймоқранглилар" ўз майдонида "Эльче"га қарши баҳс олиб боради.













