Суперлига 3-туридан ўрин олган "Локомотив" - "Қўқон-1912" баҳсида "темирйўлчилар" етакчиси ва сардори Анзур Исмоилов жароҳат олиб 14-дақиқадаёқ майдонни тарк этишга мажбур бўлди. Натижада унинг ўрнига Шуҳрат Муҳаммадиев ўйинни давом эттирди.
Анзур Исмоиловнинг ҳозир ҳолати қандай? У кейинги баҳсда майдонга тушадими? "Локомотив" тиббий штаби футболчининг ҳолати бўйича маълумот берди:
— Анзурда ўйин пайти сон орқа мушагининг жароҳатланиши кузатилди. Футболчимиз бугун чуқурлаштирилган тиббий текширувдан ўтади. Шундан сўнг аниқ ташхис, даво режаси ва сафга қайтиш муддатлари белгилаб олинади.
