"Манчестер Юнайтед" бош мураббийи Майкл Кэррик ҳужумкор ярим ҳимоячи Мэйсон Маунтнинг сафга қайтгани ҳақида фикр билдирди.
"Маунт умумий гуруҳга қайтди ва бу жуда ажойиб. У биз учун муҳим футболчи. Мэйсон ҳали 100 фоиз тайёр эмас ва машғулотларда қисқа вақт иштирок этди. Аммо унинг қайтгани биз учун яхши янгилик. Якшанба кунги ўйинда ундан фойдаланиш-фойдаланмаслигимизни кўриб чиқамиз", — деди Кэррик матбуот анжуманида.
Мэйсон Маунт сўнгги бор "Манчестер Юнайтед" сафида икки ойдан кўпроқ вақт олдин — 11 январда майдонга тушган эди.
Якшанба куни, 15 март куни "Манчестер Юнайтед" Англия чемпионати доирасида ўз майдонида "Астон Вилла"га қарши баҳс олиб боради.
