"Манчестер Юнайтед" Маркус Рэшфорднинг "Барселона"га ва Расмус Хёйлунднинг "Наполи"га якуний сотувидан камида 80 млн евро ишлаб олишни режалаштирмоқда. Аввалроқ, Хёйлунднинг 2026 йил 30 июнда якунига етадиган ижара муддатидан кейинги трансфери масаласи ҳал бўлгани ҳақида хабар берилган эди – "Наполи" манкунианликларга 44 млн евро тўлайди.
Шу тариқа, Фабрицио Романонинг хабар беришича, "қизил иблислар" бозор қиймати 45 млн евро бўлган Рэшфорд учун "Барселона"дан камида 36 млн евро кутишмоқда. Рэшфорд 2025 йил 23 июлда Каталонияга йўл олган эди ва ўшандан бери "Барселона" сафида 38 та ўйин ўтказиб, 10 та гол урди ҳамда 13 та голли узатмани амалга оширди.
Хёйлунд ҳисобида эса "Наполи" таркибидаги 35 та ўйин, 13 та гол ва тўртта голли узатма мавжуд.
