"Тоттенхэм" навбатдаги мураббий алмашинувига тайёргарлик кўрмоқда. Жамоанинг амалдаги устози Игор Тудорга дастлабки тўртта ўйиндаги тўртта мағлубиятдан сўнг ўз лавозимини сақлаб қолиш қийин бўлади – аввалроқ хабар берилганидек, унга фаол тарзда ўринбосар изланмоқда.
Инсайдер Фабрицио Романонинг маълумотларига кўра, "шпорлар" раҳбарияти Роберто де Дзербини хорватиялик мураббийнинг идеал ўринбосари деб ҳисобламоқда. Лондон клуби италиялик мутахассис билан келишишга умид қилмоқда, бироқ буни амалга ошириш осон бўлмайди – ҳаммаси кўплаб турли омилларга боғлиқ.
Роберто де Дзерби февраль ойида Франциянинг "Марсель" клубидан кетганидан бери ишсиз юрибди. Аввалроқ ушбу мутахассис Англиянинг "Брайтон" жамоасини бошқарган эди.
