"Ливерпуль" клубида мавсум бунчалик қийин кечишини кутишмаган эди. Ўтган ёзда клуб трансфер бозорида қарийб 500 млн евро сарфлади, бироқ бу тезкор муваффақиятга олиб келмади. Ҳозирда "қизиллар" Премьер-лига жадвалида олтинчи ўринни эгаллаб туришибди ва чемпионлик учун курашдан чиқиб бўлишган.
"Янги футболчилар сонини ҳисобга олсак, осон бўлмаслигини тушунардик, лекин ҳеч ким, жумладан мен ҳам воқеалар ривожи бундай бўлишини кутмагандик. Кўплаб ўйинчиларни йўқотиб, уларнинг ўрнини бошқалар билан тўлдирганда, доимо ўтиш мавсумига тайёргарлик кўрасиз, бироқ ҳаммаси бундай кўриниш олишини хаёлимизга ҳам келтирмагандик. Бунинг кўплаб турли сабаблари бор, лекин мен уларни ҳар сафар эслатиб ўтишни истамайман", – деб фикр билдирди "Ливерпуль" бош мураббийи Арне Слот "Тоттенхэм"га қарши ўйин олдидан.
Мерсисайдликлар якшанба куни ўз майдонида "шпорлар"ни қабул қилади, учрашув Тошкент вақти билан соат 21:30 да бошланади.
