«Манчестер Сити» устози Хосеп Гвардиола февраль ойи якунларига кўра Англия Премьер-лигасининг энг яхши мураббийи деб топилди.
Испаниялик мутахассис учун бу 2021 йилдан буён қўлга киритилган илк бундай совриндир. Бироқ мураббийнинг ўзи ушбу ютуқдан у қадар ҳайратланмаган кўринади.
«АПЛда ой мураббийи? 2021 йилдан бери биринчи мартами? Оҳ, ниҳоят. Ҳозирги пайтда бу дунёдаги энг аҳамиятсиз нарса. Ростини айтсам, бу мени қизиқтирмайди», — дея таъкидлади Гвардиола шанба куни «Вест Хэм»га қарши бўлиб ўтадиган ўйин олдидан.
Айни дамда «шаҳарликлар» турнир жадвалида иккинчи ўринни эгаллаб туришибди. Улар пешқадам «Арсенал»дан етти очко орқада қолмоқда, аммо захирада битта ўйинлари мавжуд.
