«Манчестер Сити» бош мураббийи Хосеп Гвардиола Чемпионлар лигаси 1/8 финали доирасида Мадриднинг «Реал» клубига қарши кечган илк ўйиндаги муваффақиятсизликка (0:3) жамоа қандай муносабат билдирганини сўзлаб берди.
«Сантьяго Бернабеу»даги учрашув тақдирини биринчи бўлимда Федерико Вальверде томонидан қайд этилган хет-трик ҳал қилди. Жавоб баҳси келаси сешанба, 17 март куни бўлиб ўтади.
«Ўйинчиларнинг реакциясими? Уларнинг ҳафсаласи пир бўлган. Аммо улар кулиб, ўзларини хотиржам ҳис қилишлари менга ёқмайди. Уларнинг тушкун кайфиятда бўлишини афзал кўраман», — деди Гвардиола матбуот анжуманида.
