«Манчестер Сити» футболчиси Матеус Нунес унинг жамоаси Мадриднинг «Реал» клуби билан бўлган илк ўйиндаги 0:3 ҳисобидаги мағлубиятдан сўнг вазиятни ўнглай олишига ишонади.
«Шаҳарликлар» Чемпионлар лигаси 1/8 финалининг дастлабки баҳсида «Сантьяго Бернабеу»да йирик ҳисобда имкониятни бой беришди. Жавоб учрашуви келаси сешанба куни «Этихад»да бўлиб ўтади.
«Реал»га қарши камбэк? Ҳамма нарсанинг иложи бор. Олдинда бутун бошли ўйин турибди, унда ҳар қандай воқеа содир бўлиши мумкин. Биз илгари ҳам Чемпионлар лигасида бу каби ҳолатларни кўрганмиз», — дея Нунеснинг сўзларини келтиради Madrid Zone.
