Лондоннинг «Арсенал» клуби жамоанинг ўнг қанот ҳимоячиси Юррьен Тимбер билан музокараларни бошлади. Футболчининг амалдаги келишуви 2028 йилнинг 30 июнида ниҳоясига етади.
24 ёшли ўйинчининг бозор қиймати 70 миллион еврони ташкил этади. У клуб миқёсидаги барча турнирларда 42 та ўйинда майдонга тушиб, тўртта гол урди ва еттита голли узатмани амалга оширди.
«Канонирлар» футболчи билан янги шартнома имзоламоқчи эканлиги ҳақида BBC нашри хабар берди. Аввалроқ лондонликлар Деклан Райсни ҳам жамоада олиб қолмоқчи эканликлари ҳақида маълумотлар тарқалган эди.
