Мадриднинг «Атлетико» клуби бош мураббийи Диего Симеоне журналистларни жамоа етакчи футболчиларининг кетиши борасидаги миш-мишлар билан спекуляция қилишни тўхтатишга чақирди.
ESPN нашрининг хабар беришича, мураббийнинг сўзларига кўра, «матрасчилар»нинг йирик ғалабаларидан сўнг барча суҳбатлар у ёки бу тарзда Ян Облак, Антуан Гризманн ва Хулиан Альвареснинг клубни тарк этиши мумкинлигига тақалаверган.
«Атлетико» устози жамоада муҳит мутлақо соғлом эканлигини ва етакчиларнинг келажаги борасида ҳеч қандай ортиқча гап-сўзлар йўқлигини таъкидлади.
