«Манчестер Сити» бош мураббийи Хосеп Гвардиола журналистлар ва мухлислар 17 йилдан бери Чемпионлар лигасидаги мағлубиятлардан сўнг уни аёвсиз танқид қилишларидан шикоят қилди.

«Мен Чемпионлар лигасида 17 йилдан бери иштирок этаман... ва ҳар сафар ютқазганимда: пиу, пиу, пиу», — дея испаниялик мутахассиснинг сўзларини келтиради Фабрицио Романо.

Чемпионлар лигаси 1/8 финалининг илк баҳсида «шаҳарликлар» сафарда Мадриднинг «Реал» клубига йирик ҳисобда (0:3) имкониятни бой беришди. «Қаймоқранглилар» таркибида Федерико Вальверде фаолиятидаги илк хет-трикни қайд этди.