«Барселона» ҳужумчи Маркус Рэшфорднинг жамоада қолишини истамоқда. Каталонияликлар англиялик футболчи билан шартнома шартларини келишиб бўлишган, бироқ «Манчестер Юнайтед» билан музокаралар ҳали якунланмаган — «қизил иблислар» товон пули сифатида белгиланган 30 миллион евронинг тўланишини талаб қилишмоқда.
«Барселона» 28 ёшли Рэшфорднинг трансфер суммасини камайтиришга ёки ҳеч бўлмаганда ижара муддатини узайтиришга ҳаракат қилмоқда. Бу ҳақда журналист Бен Жейкобсга таянган ҳолда The Touchline нашри хабар бермоқда.
Агар «Барселона» «Манчестер Юнайтед» билан келиша олмаса, каталонияликларда «Б режаси» ва «В режаси» мавжуд — булар «Челси»нинг 26 ёшли аъзоси Педру Нету ҳамда «Бетис»нинг 24 ёшли футболчиси Абде Эззалзулидир.
