«Ньюкасл» вингери Энтони Гордон жорий мавсум якунидан сўнг клубини ўзгартириш имкониятини жиддий кўриб чиқмоқда.

25 ёшли футболчи «қарғалар»нинг Премьер-лигадаги ҳолатидан норози ва топ-клубга ўтиш ҳақида ўйламоқда, деб хабар бермоқда Football Insider. Англиялик футболчи учун анчадан бери даъвогарлар қаторида тилга олинаётган «Ливерпуль» варианти қизиқарли. Шунингдек, «Ньюкасл» юлдузи учун «Арсенал» ҳам курашиши мумкин — айниқса, Габриэл Мартинелли сотиб юборилган тақдирда. Бошқа маҳаллий грандлар ҳам вазиятни кузатиб боришмоқда.

Энтони Гордон жорий мавсумда «Ньюкасл» сафида 42 та ўйинда майдонга тушиб, 15 та гол ва 5 та голли узатмани ўз ҳисобига ёздириб қўйди. Transfermarkt сайтидаги маълумотларга кўра, футболчининг баҳоси 60 миллион еврони ташкил этади.