Лондоннинг «Арсенал» клуби бош мураббийи Микель Артета жамоа вингери Букайо Саканинг ўйини ҳақида ўз фикрлари билан ўртоқлашди.

«Биз Букайо Сакага тўлиқ ишонамиз ва уни яхши кўрамиз. Унинг ўз ёшида биз учун, ушбу клуб учун қилаётган ишлари шунчаки ҳайратланарли ва у жамоамизга катта таъсир кўрсатишда давом этмоқда. Умуман олганда, агар унинг фазилатларига ва жамоага олиб кираётган шиддатига (импульс) назар ташласангиз, бу шунчаки ақл бовар қилмайдиган даражада», — дея Артетанинг сўзларини келтиради журналист Фабрицио Романо.

Жорий мавсумда 24 ёшли Сака барча турнирларни ҳисобга олган ҳолда 39 та ўйинда иштирок этди, тўққиз бор рақиблар дарвозасини ишғол қилди ва еттита голли узатмани амалга оширди.